Молодые таланты

Ӟечбуресь, гажано эшъёс! Кин меда тӥ пӧлын яратэ кырӟаны удмурт крезьгуръёсыз яке пӧрмытэ шудыны кыӵе ке но музыкальной тирлыкен (инструментэн)? Тодӥсько, тӥ пӧлын одно ик сюрозы сыӵе талантъёс. Тӥ сярысь нокин но уг тоды ай? Дыр вуиз та югдурез тупатыны. Подробнее

15.10.2011

Нылыд, пиед вордскиз ке...

Метки Мефодий Караваев, Тексты песен

Крезьгурез Николай Карповлэн

Кылъёсыз Флор Васильевлэн

Нылыд, пиед вордскиз ке семьяяд,
Укно улад ик мертты тон льӧмпу.
Нылдэ-пидэ музэн тон нуныя, нуныя,
Сюлмаськыса тон будэты льӧмпу.

Дырыз вуиз ке, сяськазэ усьтоз,
Шырчик гурен тыныд со шулдыртоз.
Шимес тӧлэн уин вузылыкуз, вузылыкуз
Корка уз лэзьы пырыны льӧмпу.

Быдэсмизы ке нош нылпиосыд,
Оло, мукет азе лобӟылозы,
Соку анай сюлэм музэн гуртэ
Льӧмпу ялан ӧтёз нылдэ-пидэ.


Эн куректы, анай, льӧмпу юрттоз,
Пурысь йырдэ мусо маялтылоз,
Нылыд-пиед музэн кужым сётоз,
Со улондэ но выльысь шулдыртоз.

Нылыд, пиед вордскиз ке семьяяд,
Пинал льӧмпу тон мертты, дэмласько.
Будэм нылпиослэн шудзы музэн, шудзы музэн,
Гуртын льӧмпу сад мед шукыяськоз.

12.11.2011

Капи- кап

Метки Алевтина Корепанова, Алла Кузнецова, Тексты песен

Крезьгурез Алевтина Корепановалэн

Кылъёсыз Алла Кузнецовалэн

Капи- кап- капи… Липетысь васько,
Шундыен шудо шапыкъёс. Капи- кап- капи…
Бам кузя васько, Лулпушме тыро синвуос.
Кинлэн ке садаз сяськаос гинэ,

Кинлы ке чечы муш бича,
Нош мынам садам лек пушнер будэ,
Кылдымтэ понна купанча.

Парзэ пар утча, зольгыри ке но,
Гурлало чагыр дыдыкъёс.
Мон понна гинэ вордиськымтэ паре,
Палэнти ортчо тулысъёс.

 

15.03.2011

Эх, мынам шаян йыры

Метки Анатолий Леонтьев, Николай Постников, Слушать песни, Тексты песен

Кылъёсыз Анатолий Леонтьев

Крезьгурэз Николай Постниковлэн

Эх, мынам шаян йыры, чагырэсь вöтъёс!
Выл ук, вал егит дыры, учыё уйёс.
Пумитай мон эшъёсын льоль зардонъёсыз,
Юг льомпу сяськаосын согылиз тулыс.
 
Жадьылиз уйскын арган киосам мынам,
Нылъёслы вал мон туган, мон ой вал огнам.
Эх, кыче мон шудыли, шулдырти гуртэз,
Чем гинэ вис карыли нылъёслэсь умзэс.
 
Ярати, синмаськыли, вал турлы дыры,
Жытъёсы нош дыртыли туганэ доры.
Гажанлэн кылъёсызлэсь бертыли мон куд,
Чеберзэс нош уйёслэсь вунэтод шат, уд.
 
Эх, мынам шаян йыры, чагырэсь вöтъёс!
Выл ук, вал егит дыры, учыё уйёс.
Варзылоз тулысъёсы сюлэмын ялан,
Туй гырлы куараосын жингыртиз арган!

 

 

Кырза Геннадий Ганьков

15.03.2011




Авторы | Исполнители