Александр Белоногов

Оскыса но, оскытэк но

Метки Александр Белоногов, Анна Плотникова, Тексты песен

Крезьгурез Анна Плотниковалэн Кылъёсыз Александр Белоноговлэн

Я шорам пальпотиськод тон, Я учкиськод шундытэм. Мылкыддэ озьы шат юри Возиськод тон тодонтэм? Синъёсыд, ой, синъёсыд но Уно точкаос кадесь: Пумозяз ноку уд лыдзы Map верамзэс соослэсь. Мон тонэ яратисько но, Тупалом меда чошен? Тон шоры мон учкисько ке, Усисько кадь мур коже. Синъёсыд, ой, синъёсыд но Уно точкаос кадесь: Пумозяз ноку уд лыдзы Map верамзэс соослэсь. Нуназе-а яке жыт-а — Возьмасько пумиськонмес, Сюлмылэн уг ке но луы Тыньд юн-юн оскемез. Синъёсыд, ой, синъёсыд но Уно точкаос кадесь: Пумозяз ноку уд лыдзы Map верамзэс соослэсь. Я монэ уд адзиськы тон, Яке нош пальпотиськод. Оскыса но, оскытэк но Тон сярысь мон малпасько. Синъёсыд, ой, синъёсыд но Уно точкаос кадесь: Пумозяз куке лыдзо-а Map верамзэс соослэсь?
15.03.2011

Мусое - инвожое

Метки Александр Белоногов, Игорь Перевозчиков, Тексты песен

Крезьгурез Игорь Перевозчиковлэн Кылъёсыз Александр Белоноговлэн

Италмас но, лызгырлы но
Пиштизы турын полын.
Map понна меда тужгес но
Синмаськи инвожолы?

 

Кинэ ке но мон гажай-а,
Кин ке вал-а малпанам?
Возьмаса, оло, тонэ-а
Куддыръя мозми огнам?

 

Кылдэмез яке овол-а -
Малы мон шедьти тонэ?
Ведь тонэн пумиськыса ук
Мон тоди яратонэз.

 

Улонам нуналъёсы, дыр,
Луозы котькычеез.
Но тонэн котьку шудо мон,
Мусое-инвожое.

15.03.2011

Кинэн ой пумиськы?

Метки Александр Белоногов, Николай Шкляев, Тексты песен

Крезьгурез Николай Шкляевлэн Кылъёсыз Александр Белоноговлэн

Ышем, вунэм аръёс пырти Одиг тулыс лыктэ тодам: Зарни тыло возьёс вылти Ветли мон кырзаса огнам. Ачим но мон соку жужай Турын полысь сяська выллем. Мон кин сярысь соку малпай, Кинэ меда утчаз сюлэм? Пумиськомы, дыр, кожаса Возез лёгай, лэся, юнме. Быриз сяська но толзыса, Ой шедьты мон но ас шудме. Соку сямен ик мынисько Зарни тыло возьёс вылэ. Кинэн меда ой пумиськы, Кинэ на весь утча сюлэм?
15.03.2011

Мон тон доры лыкти

Метки Александр Белоногов, Николай Шкляев, Тексты песен

Крезьгурез Николай Шкляевлэн Кылъёсыз Александр Белоноговлэн

Мон тон доры лыкти Уно аръёс пырти, Ой вуы тон доры Сяська жужан дыре. Эн пыкылы монэ: Ведь мон утчай тонэ, Уно аръёс пырти Мон тон доры лыкти. Мон тон доры лыкти Шуг сюресъёс вылти, Соин ик табере Пумиськимы бергес. Эн пыкылы монэ: Ведь мон утчай тонэ, Шуг сюресъёс вылти Мон тон доры лыкти. Мон тон доры лыкти Сюлэм жуан тылти, Нош пось яратонме, Оло, ваи юнме? Эн пыкылы монэ: Ведь мон утчай тонэ, Сюлэм жуан тылти Мон тон доры лыкти.
15.03.2011

Улиськод ке кырзанэн

Метки Александр Белоногов, Пантелей Кузнецов, Тексты песен

Крезьгурез Пантелей Кузнецовлэн Кылъёсыз Александр Белоноговлэн

Мон озьы но гурлало но, Мон тазьы но гурлало. Мозмонме но, жожъёсме но Кырзанэн чош оръяло. Шуозы монэ озьы но Я тазьы но шуозы. Нокыче куректонэ но Чик овол кожалозы. Кин ке но шудо вордске, дыр, Кырзась мурт, шуо, шудтэм. Улонын эшшо секыт нош Кырзанэн эшъяськытэк. Сюлэме пыре мозмон но, Куректон но лыктылэ, Нош кырзан матысь эшед кадь Юрттылэ, буйгатылэ. Мон озьы но гурлало но, Мон тазьы но гурлало. Мозмонме но, жожъёсме но Кырзанэн чош оръяло. Оло зэм, шудо овол мон, Но югыт ук улонэ. Луыло шудо дыръёс но, Улиськод ке кырзанэн.
15.03.2011