Андрей Ураськин

Вордиськем дорпалэ

Метки Александр Баймурзин, Андрей Ураськин, Тексты песен

Крезьгурез Андрей Ураськинлэн
Кылъёсыз Александр Баймурзинлэн

Тани мынам вордиськем дорпалэ,
Тани мынам вордиськем коркае.
Ваньмыз татын туж тодмо но дуно,
Ваньмыз татын мон понна туж мусо.
Кыче умой вазь чукна возь вылтй
Бызьылыны гольык пыд лысвутй!
Ваньмыз сайка, бурдоос кырзало,
Выль нуналлэсь вордиськемзэ данъяло.

Тини шунды тэль сьорысь мичиськем,
Дун шурамы пырыса пылаське.
Уть, кытысь ке ыркыт тол но вуиз,
Со йырсиям пырыса тугаськиз.
Мон бызисько, тол бордам биниське
Чыж-горд шунды но сьорам уиське,
Я со шурысь мон шоры пальпотэ,
Я лысвуысь марзанэн мальдытэ.

Мон бызисько, котырак жин! вазе.
Со зозъёслэн чирдэмзы пазьгиське!
Возь выламы веттасько сяськаос,
Мон вуэмысь шумпото, дыр, соос.
Шур мынэсьтым мугорме пылатэ,
Дун ошмес ву нош сюме юзматэ.
Вань мылкыды тымиське шудбурен!
Ваньмыз ик та — вордйськем шаере!

Вунонтэм жытъёс

Метки Андрей Ураськин, Тексты песен

Крезьгурез но кылъёсыз Андрей Ураськинлэн

Берыкты вылэм тулыс чеберез,
Берыкты вылэм яратон дырез.
Усизы куаръёс, ортчизы уйёс,
Вунйзы, малпай, чебересь жытъёс.

Сизьыл зорыку, кикы сильыку,
Кезьыт пельтыку, шунды пыжыку
Сюлэмы монэ тон доры кыске,
Мылкыды туннэ нош ик бурдъяське.

Нюлэскын-а мон, возь вылын-а мон —
Малпанам но тон, сюлэмам но тон.
Нош малы туннэ синъёсад мозмон?
Кытчы ышемын зырдыт яратон?

Берыкты вылэм тулыс чеберез,
Берыкты вылэм яратон дырез.
Усизы куаръёс, ортчизы уйёс...
Весь тодам уло вунонтэм жытьёс.

Тюрагай

Метки Андрей Ураськин, Светлана Ураськина, Тексты песен

Крезьгурез Андрей Ураськинлэн
Кылъёсыз Светлана Ураськиналэн

Тюрагай тон, тюрагай,
Гажанлы вера ай,
Коня мон сое возьмай
Толон жыт кызьпу палан.

Припев:
Тюрли, тюрли, тюрагай,
Коня мон сое возьмай,
Тюрли, тюрли, тюрагай.

Тюрагай нош котырскиз,
Мынэсьтым со кылзиськиз,
Выллане жутскыса
Лобзиз гурзэ кырзаса.
Припев:
Тюрли, тюрли, тюрагай,
Выллане жутскыса,
Тюрли, тюрли, тюрагай,
Лобзиз гурзэ кырзаса.

Тодисько, туннэ лыктод,
Тюрагайлэсь кылзиськод.
Чош мыном кызьпу доры
Тюрагаез кылзыны.

Припев:
Тюрли, тюрли, тюрагай,
Чош мыном кызьпу доры,
Тюрли, тюрли, тюрагай,
Тюрагаез кылзыны.

Тон сямен ик лобасал,
Лыз инмети поръясал,
Яратон, гажан сярысь
Выль кырзанъёс кырзасал.

Припев:
Тюрли, тюрли, тюрагай,
Яратон, гажан сярысь,
Тюрли, тюрли, тюрагай,
Выль кырзанъёс кырзасал.