Геннадий Корепанов-Камский

Нырысь яратон

Метки Геннадий Корепанов-Камский, Тексты песен

Крезьгурез Геннадий Корепанов-Камскийлэн

Кылъёсыз авторэзлэн

Лабрес ваё льӧмпу
Сылэ укно улам.
Шораз мон мӧзмыкум
Учкылӥсько ялан.

Припев:

Лымы кадь сяськаез
Ческыт зынзэ вӧлдэ,
Сюлмысь яратэмме
Льӧмпу сяська шӧдэ.


Сяська, льӧмпу сяська
Нырысь яратонэ
Улэ сюлэм пушкам,
Возьма, утча тонэ.

Припев:

Пинал сяська дырме
Нокин уз берыкты.
ӟырдыт яратэмме
Кин ке уз вунэты.


Лабрес ваё льӧмпу
Учке со мон шорам.
Нырысь яратонме
Со вайытэ тодам.

Припев:

Лымы кадь сяськаез
Ческыт зынзэ вӧлдэ.
Чылкыт яратонэз
Льӧмпу сяська шӧдэ.
Пинал сяська дырме
Нокин уз берыкты.
Нырысь яратэмме
Кин ке уз вунэты.

18.06.2011

Туганэ, туганэ

Метки Геннадий Корепанов-Камский, Тексты песен

Крезьгурез Геннадий Корепанов-Камскийлэн

Кылъёсыз авторэзлэн

Учкы, учкы мон шорам,
Сюлмысь курисько тонэ.
Учкы мынам синъёсам,
Учкы, мусо туганэ.
Туганэ, туганэ,
Мусо туганэ!
Мон яратйсько тонэ,
Мусо туганэ.

Ураметй ортчыкуд
Шокчыса учко пиос.
Эктыкуд но кырзакуд
Дэмен лулскыло соос.
Туганэ, туганэ,
Мусо туганэ!
Нокинлы уг сёт тонэ,
Мусо туганэ.


Ойдо берыкты йырдэ
Мон пала возьдаськытэк.
Усьты мыным сюлэмдэ,
Ваньзэ вера ватытэк.
Туганэ, туганэ,
Мусо туганэ!
Синъёсыд отё монэ
Пырак сюанэ.


Вера мыным пал кылдэ,
Туж кема мон витисько.
Витисько одйг кылдэ —
Со кылэз тон тодйськод.
Туганэ, туганэ,
Мусо туганэ!
Нокинлы уг сёт тонэ,
Мусо туганэ.

18.06.2011

Гуртэ, мынам гуртэ

Метки Геннадий Корепанов-Камский, Тексты песен

Крезьгурез Геннадий Корепанов-Камскийлэн

Кылъёсыз авторэзлэн

Гуртэ, мынам гуртэ,
Бадӟым ик со овол.
Яге, вордскем гуртэ,
Котыр берга сильтӧл.
Али но та гуртын
Улэ пинал дыры.
Али но со отын
Ветлэ гольык пыдын.

Татын мон вордӥськи
Шуныт корка пушкын.
Бӧрдӥ но вераськи
Анай-атай кылын.
Татын ик яратӥ
Гуртысь ӟеч калыкме.
Татын ик яратӥ
Вож сад кадь шаерме.

Ноку уг вунэты
Льӧмдэ но палэзьдэ,
Ноку уг вунэты
Няньдэ, ошмес вудэ.
Ноку уг вунэты
Чылкыт Ыты шурдэ.
Ноку уг вунэты
Ужын тыршись калыктэ.

Толэзь уй инметӥ
Кузё сямен ветлэ,
Лобе гуртэ вылтӥ,
Утча кадь со монэ.
Эн утча, толэзе,
Пичи бырем гуртысь,
Уд шедьты, пиштӥсе,
Ноку монэ отысь.

Гуртэ, мынам гуртэ,
Бадӟым ик со овол.
Яге, вордскем гуртэ,
Котыр берга сильтӧл.
Али но та гуртын
Улэ пинал дыры.
Али но со отын
Ветлэ гольык пыдын.

Если вас интересует проверка строительных смет то вам на сайт expertdoma.ru. Работают профессионалы.
18.06.2011

Кык гожтэт

Метки Ашальчи Оки, Геннадий Корепанов-Камский, Тексты песен

Кылъёсыз Ашальчи Окилэн Крезьгурез Геннадий Корепанов-Камскийлэн

Одигзэ мон гожти Туж капчи мылкыдын, Мукетсэ гожтэтме Мон гожтй синкылиен. Огезлэн пумитаз Мон басьто, дыр, гожтэт. Кыкети гожтэтам Уз, уз лыкты ответ! Одигзэ гожтэтме Мон гожти эшелы. Кыкети гожтэтме — Мон уг вера кинлы... Одигзэ гожтэтме Одиг час мон гожти, Кыкети гожтэтме Уез-уйбыт гожти. Одигзэ мон гожти — Тодьыё кагазэ, Нош чагыр кагазэ — Мон гожти мукетсэ. Одигаз гожтэтам Мон ой поны сяська. Кыкети гожтэтам Мон понй лыз сяська.
17.04.2011

ТОНЭ ВОЗЬМАЙ

Метки Геннадий Корепанов-Камский, Николай Байтеряков, Тексты песен

Кылъёсыз Николай Байтеряковлэн Крезьгурез Геннадий Корепанов-Камскийлэн

Котыр лыз-лыз сяська By дур, ву дур кузя будэ. Коня, коня меда васькай Отчы жытлы, жытлы быдэ. Коня меда васькай? Лабрес, лабрес льомпу улын Мусо, мусо, тонэ возьмай Лыз-лыз сяська, сяська полын. Сяська возы сяська Тыныд, тыныд бичай, кертти. Ветлй, ветлй ву дур кузя Баблес бадьёс, бадьёс полти. Коня малпаськонъёс Мыным, мыным лыктылизы. Ву дур, ву дур бадьпу куаръёс Нимдэ, нимдэ шыпыртизы. Пуки льомпу улын, Лыктод, лыктод меда — малпай. Лыктйд, лыктид — соку отын Монэ яратэмдэ валай.
15.03.2011