Николай Байтеряков

ТОНЭ ВОЗЬМАЙ

Метки Геннадий Корепанов-Камский, Николай Байтеряков, Тексты песен

Кылъёсыз Николай Байтеряковлэн Крезьгурез Геннадий Корепанов-Камскийлэн

Котыр лыз-лыз сяська By дур, ву дур кузя будэ. Коня, коня меда васькай Отчы жытлы, жытлы быдэ. Коня меда васькай? Лабрес, лабрес льомпу улын Мусо, мусо, тонэ возьмай Лыз-лыз сяська, сяська полын. Сяська возы сяська Тыныд, тыныд бичай, кертти. Ветлй, ветлй ву дур кузя Баблес бадьёс, бадьёс полти. Коня малпаськонъёс Мыным, мыным лыктылизы. Ву дур, ву дур бадьпу куаръёс Нимдэ, нимдэ шыпыртизы. Пуки льомпу улын, Лыктод, лыктод меда — малпай. Лыктйд, лыктид — соку отын Монэ яратэмдэ валай.
15.03.2011

ВАЙ, ОШМЕСЭ

Метки Николай Байтеряков, Николай Трубачев, Слушать песни, Тексты песен

Крезьгурез Николай Трубачевлэн Кылъёсыз Николай Байтеряковлэн

Вай, ошмесэ, я вай юо Мон тынэсьтыд юзмыт вудэ. Эшшо бен ку на мон вуо Атай-анай вордэм гуртэ? Эшшо бен ку на мон ортчо Азьвыл ветлэм сюресъёстим? Эшшо бен ку на мон адзо Азьвыл адзем зардонъёсты? Улон берга, улон берга, Садэ усе ини пужмер. Ваньзэ ой быдэсты уга Чебер но зеч малпанъёсме. Чебер но зеч малпанъёсме Ошмес дурам туннэ кельто. Быдэстытэк кельтэм ужме Только бен кин-о быдэстоз? Но мон ой кушты на крезьме, Бызе, бызе на ошмесэ. Со мынэсьтым малпанъёсме Нуэ сьораз югыт бусэ.
15.03.2011

ТОПОЛЬЁС

Метки Николай Байтеряков, Николай Шкляев, Тексты песен

Крезьгурез Николай Шкляевлэн Кылъёсыз Николай Байтеряковлэн

Топольёс, жужытэсь топольёс Гуртамы дугдытэк шыпырто. Кинэ ке утчало кадь соос, Кинлэсь ке юало: "Ку бертод?" Кемалась пи кошкиз ож лудэ, Нош тополь весь возьма но возьма. Сад улын кышномурт куректэ, Садэтй нош ветлэ югыт май. Пересьмем топольёс куашето, Гурт вадьсын лобало чук толъёс. Нош аръёс ворттись вал кадь дырто, Выльёсыз жутисько вож садъёс. Выльёсыз жутисько топольёс, Верасько шундыен но инмен... Колэ зеч, бертымтэ солдатъёс, Топольёс уз, уз ыштэ нимдэс.
15.03.2011

Ветли, ветли

Метки Геннадий Корепанов-Камский, Николай Байтеряков, Тексты песен

Крезьгурез Геннадий Корепанов-Камскийлэн Кылъёсыз Николай Байтеряковлэн

Ветли, ветли колхоз садэ, Ой бича мон чыжыт улмо. Малы ветли — вож сад тодэ, Учыослы но, дыр, тодмо. Пинал нылмурт ужа отын, Тыз синъёсыз — чагыр инбам. Мон адзисько сое вотын, Солэн тусыз улэ сюлмам. Нырулыса уя толэзь Сяська полын, лысву вылын. Ой чупа на бамзэ ныллэсь, Ой вера на пал кыл солы. Малы меда улмо садэ Монэ сюлэм кыске, эшъёс? Малы меда жытлы быдэ Отчы монэ нуо пыдъёс?
15.03.2011