Николай Постников

Пал нылкышно

Метки Гильман Касимов, Николай Постников, Тексты песен

Кылъёсыз Гильман Касимовлэн

Крезьгурез Николай Постниковлэн

Сюанмы тодам, Улонмы тодам. Тусбуйдэ ялан Возисько. Вань дунне парен, Мон гинэ огнам Мусо пиналмес Вордӥсько. Карто кышноос Палэнтӥ ортчо Оскымон чебер Вамышен. Кырыжен учко, Сюлэмме куртчо, Пал кышно каро – Валантэм. Шунтисько огнам Кезьыт валесме. Малпанэ уйбыт Позыртэ. Уг но тод нокин Такыр сюресме, Миндэре гинэ Весь котме. Даллашим ке но, Керетӥм ке но, Эркияз лушкем Со монэ. Бӧрдӥсько ке но, Курадӟо ке но, — Бен сыӵе, вылды, Адӟонэ.
17.04.2011

Эх! Одӥг кыл гинэ

Метки Гильман Касимов, Леонид Байков, Николай Постников, Тексты песен

Кылъёсыз Гильман Касимовлэн

Крезьгурез Леонид Байковлэн но

Николай Постниковлэн

Яратӥ тонэ тулыс мон, Яратӥ. Оскон кыл соку ӧд вера — Мон вити. Припев: Вера, вера, вера, Таня, Одӥг кыл гинэ. Вера, вера, оло, вань-а Выль яратонэд? Одӥг кыл гинэ тон вера вал Дыраз. Сӥзьылозь яратонэд, оло, Сӥяз? Припев. Чебер нылъёслы бен вань меда Оскон? Нош кыӵе меда тыныд кулэ Усьтон? Припев: Вера, вера, вера, лӥят Ӟырдыт сюлэмме, Кенжем мылкыдме эн сӥят, Пӧсь яратонэ.
17.04.2011

ЛУЛЫ МЫНАМ

Метки Ашальчи Оки, Николай Постников, Тексты песен

Крезьгурез Николай Постниковлэн

Кылъёсыз Ашальчи Окилэн

Лулы мынам Возь выл бубли ке но – Марлы меда Бурдыз сосырмылэм? Сюлмы мынам Чебер кырезь ке но — Марлы меда Сиез тияськылэм? Мылкыд мынам Зарни манет ке но — Марлы меда Жильы борды со дурылэм?
15.03.2011

Тодад од вай ни ке монэ…

Метки Михаил Федотов, Николай Постников, Тексты песен

Крезьгурез Николай Постниковлэн Кылъёсыз Михаил Федотовлэн

Тодад од вай ни ке монэ, Номыр уг шу, яратонэ. Тырмоз мыным соин, Тырмоз мыным соин, Тодам ваи ке мон тонэ. Дорам од лыкты ке туннэ, Номыр уг шу, яратонэ. Тырмоз мыным соин, Тырмоз мыным соин, Уин вотай ке мон тонэ. Куке ыштйд ке тон монэ, Номыр уг шу, яратонэ. Тырмоз мыным соин, Тырмоз мыным соин, Сюлмам вози ке мон тонэ. Я, валалод, дыр, тон монэ. Номыр уг шу, яратонэ. Тырмоз мыным соин, Тырмоз мыным соин, Валад ке тон, нош мон — тонэ
15.03.2011

Тыпылэсь меда, бадярлэсь меда?

Метки Анатолий Уваров, Николай Постников, Тексты песен

Крезьгурез Николай Постниковлэн Кылъёсыз Анатолий Уваровлэн

Тыпылэсь меда, бадярлэсь меда Вордйськид, пияш, тон дунне вылэ? Йырсиед баблес, мугорыд веськрес, Пыд улад музъем зырдаса кыле. Гурт нылъёс тыныд синмасько ортчыт, Уноез, оло, ваземдэ возьма. Вотаса тонэн юмшало чошен, Сайкаса чукна малпало кема. Нош тынад сюлмыд ваньмызлэсь шуныт, Котькинлы капчи ваземед потэ. Ужаськод-а тон, юмшаськод-а тон, Сьод чебер синмад шумпотон пиштэ. Дуннелэн пумаз мыныны тон дась, Нош кулэ дыръяз ин сьоры лобзод. Толпери пыртй, гудыри ултй Кышкасьтэм сюлмын улонэз ортчод. Тон батыр, кужмо, сэзь, шаплы, визьмо, Бабылес йырдэ чик уд лэзь улэ. Тыпылэсь меда, бадярлэсь меда Вордйськид, пияш, тон дунне вылэ?
15.03.2011