Николай Постников

Сюрес дурын

Метки Ашальчи Оки, Николай Постников, Тексты песен

Крезьгурез Николай Постниковлэн Кылъёсыз Ашальчи Окилэн

Сюрес дурын Баблес кызьпу. Атай,сое Тон эн кора. Шуръёс дурысь, Возь вылъёсысь. Агай, турын Тон эн турна.

Чуж зег полын Лыз сяськаос. Апай, сое Тон эн ишка.

Гурезь улын Чылкыт ошмес Анай, вузэ Тон эн пожа.

Сюрес дурысь Баблес кызьпу — Мынам луоз Со мугоры.

Возь вылъёсысь Чилясь турын — Мынам луоз Чуж йырсие.

Чуж зег полысь Лыз сяськаос — Мынам луоз Лыз синъёсы.

Гурезь улысь Чылкыт ошмес – Уно бордэм Синвуосы!

15.03.2011

Нэниелы

Метки Николай Постников, Тексты песен

Крезьгурез но кылъесыз Николай Постниковлэн

Емыш мерттыса веръятэк кылиськод ке. Сюлэм пачылме котжожен. Нылпи вордыса семьятэк кылиськод ке, Солэсь но секыт, дыр, ук бен. Вуоз выль гужем, удалтэм емышен Нош ик чеберскоз убоед. Вордэм нылъёсыд, пиосыд вуэмен Улзоз на меда коркаед? Улзоз, я бен оскы, тонэ малпаса Матысь-кыдёкысь ми ваньмы, Оло, шумпотон, куректон вайыса Бертом вордйськем юртамы.
15.03.2011

Эх, мынам шаян йыры

Метки Анатолий Леонтьев, Николай Постников, Слушать песни, Тексты песен

Кылъёсыз Анатолий Леонтьев

Крезьгурэз Николай Постниковлэн

Эх, мынам шаян йыры, чагырэсь вöтъёс!
Выл ук, вал егит дыры, учыё уйёс.
Пумитай мон эшъёсын льоль зардонъёсыз,
Юг льомпу сяськаосын согылиз тулыс.
 
Жадьылиз уйскын арган киосам мынам,
Нылъёслы вал мон туган, мон ой вал огнам.
Эх, кыче мон шудыли, шулдырти гуртэз,
Чем гинэ вис карыли нылъёслэсь умзэс.
 
Ярати, синмаськыли, вал турлы дыры,
Жытъёсы нош дыртыли туганэ доры.
Гажанлэн кылъёсызлэсь бертыли мон куд,
Чеберзэс нош уйёслэсь вунэтод шат, уд.
 
Эх, мынам шаян йыры, чагырэсь вöтъёс!
Выл ук, вал егит дыры, учыё уйёс.
Варзылоз тулысъёсы сюлэмын ялан,
Туй гырлы куараосын жингыртиз арган!

 

 

Кырза Геннадий Ганьков

15.03.2011