Николай Трубачев

ВАЙ, ОШМЕСЭ

Метки Николай Байтеряков, Николай Трубачев, Слушать песни, Тексты песен

Крезьгурез Николай Трубачевлэн Кылъёсыз Николай Байтеряковлэн

Вай, ошмесэ, я вай юо Мон тынэсьтыд юзмыт вудэ. Эшшо бен ку на мон вуо Атай-анай вордэм гуртэ? Эшшо бен ку на мон ортчо Азьвыл ветлэм сюресъёстим? Эшшо бен ку на мон адзо Азьвыл адзем зардонъёсты? Улон берга, улон берга, Садэ усе ини пужмер. Ваньзэ ой быдэсты уга Чебер но зеч малпанъёсме. Чебер но зеч малпанъёсме Ошмес дурам туннэ кельто. Быдэстытэк кельтэм ужме Только бен кин-о быдэстоз? Но мон ой кушты на крезьме, Бызе, бызе на ошмесэ. Со мынэсьтым малпанъёсме Нуэ сьораз югыт бусэ.
15.03.2011

Куке курид тон мынэсьтым

Метки Алексей Ельцов, Николай Трубачев, Тексты песен

Крезьгурез Николай Трубачевлэн Кылъёсыз Алексей Ельцовлэн

Куке курид тон мынэсьтым Возьвыл сяська — сяська керттэт, Одйг гинэ, одйг гинэ ой сёт тыныд — Кузьмай мон возь вылэз. Куке курид тон мынэсьтым Чагыр инмысь кизилиез, Одйг гинэ, одйг гинэ ой сёт тыныд — Кузьмай быдэс инэз. Мае курид, ваньзэ кузьмай, Кузьмай толэзь, кузьмай шунды, Кузьмай сюрес, кузьмай сюрес, кузьмай шудме, Кузьмай пинал дырме. Кузьмай соку ваньзэ тыныд, Шудо вал, гажанэ, тонэн, Нош тон люкид, нош тон люкид ваньзэ сое, Люкид мукетыныз.
15.03.2011