Пантелей Кузнецов

Улиськод ке кырзанэн

Метки Александр Белоногов, Пантелей Кузнецов, Тексты песен

Крезьгурез Пантелей Кузнецовлэн Кылъёсыз Александр Белоноговлэн

Мон озьы но гурлало но, Мон тазьы но гурлало. Мозмонме но, жожъёсме но Кырзанэн чош оръяло. Шуозы монэ озьы но Я тазьы но шуозы. Нокыче куректонэ но Чик овол кожалозы. Кин ке но шудо вордске, дыр, Кырзась мурт, шуо, шудтэм. Улонын эшшо секыт нош Кырзанэн эшъяськытэк. Сюлэме пыре мозмон но, Куректон но лыктылэ, Нош кырзан матысь эшед кадь Юрттылэ, буйгатылэ. Мон озьы но гурлало но, Мон тазьы но гурлало. Мозмонме но, жожъёсме но Кырзанэн чош оръяло. Оло зэм, шудо овол мон, Но югыт ук улонэ. Луыло шудо дыръёс но, Улиськод ке кырзанэн.
15.03.2011

Куноын

Метки Александр Белоногов, Пантелей Кузнецов, Слушать песни, Тексты песен

Крезьгурез Пантелей Кузнецовлэн Кылъёсыз Александр Белоноговлэн

Арганчи, мыным тон шуд ай
Капчигес эктон гурдэ!
Ой ке экты, мар понна мон
Куное лыкти гуртэ?

Выж пулъёс тыпы овол, дыр,
Шарк уз вазе пыд улын.
Эскером бен, эскером ай,
Ярамон- а эктисьлы.

Кырзалэ, кидэс но чабе
Ваньды котыр султыса.
Арганчи, туннэ тон чида,
Шуд ай пыддэ лёгаса!

Кин ке но, оло, шуоз, дыр:
«Ох, етиз та куноды!...»
Только нокин но уз тоды,
Кин понна та мылкыды.

 

You have no idea how easy write my essay. Contact the professionals on the site http://essaysreasy.org.

15.03.2011

Купанча

Метки Пантелей Кузнецов, Слушать песни, Тексты песен

Купанча

Крезьгурез но кылъёсыз Пантелей Кузнецовлэн

Сюрэс дуръёсын но, нюлэс кушъёсын но, Быдэс возь вылэ но алямын куддыр, Купанча сяська со, чуж йыро сяська со, Купанча сяська, сяська со волмемын котыр. Италмас овол со, инвожо овол со, Овол бичасез но – со векчи укыр. Оло, со понна но йыркуро луэм со – Купанча сяська, сяська со волмемын котыр. Я бен, мед будоз со, возез шулдыртоз со, Котькыче сяська кадь со но туж чебер. Шундылэн пусэз со, гужэмлэн тусыз со, Купанча сяська, сяська со волмемын котыр.

Шедьти крезьгурзэ

15.03.2011

Ом ке ыштэ ог- огмес

Метки Александр Белоногов, Пантелей Кузнецов, Тексты песен

Крезьгурез Пантелей Кузнецовлэн Кылъёсыз Александр Белоноговлэн

Туганэ, ой, туганэ, Тон туган ик- а мыным? Оло, огдырлы гинэ Герзаськид сюлэмыным? Мыным шуд- а вайылод, Вось карод- а сюлэмме? Чик юнме гинэ, оло, Тугалод та улонме? Туганэ, яратонэ, Оло, мон ышти визьме? Уй- нунал сюлмы тонэн, Возьмасько пумиськонмес. Мон меда тонэ утчай, Яке тон шетьтид монэ? Оло, мон тыныд кырзай, Та дырозь утчай тонэ? Юнмелы ом пумиське: Лулмы огкадь асьмелэн. Ог- огмес ом ыштэ ке, Шудмы вань, дыр, азьпалан.
15.03.2011

Берэн берытскысал…

Метки Иосиф Бобров, Пантелей Кузнецов, Тексты песен

Удмуртская песня Вернул бы все обратно...

Крезьгурез Пантелей Кузнецовлэн Кылъёсыз Иосиф Бобровлэн

Берен берыктысал пичи дырме, Пичи дырме берен берыктысал. Чук лысвуо сяська возъёс вылти Али но гольык пыд бизьылысал. Егит, чебер, шудо анаелы Узы- боры, емыш вайылысал. Дыртись шурын тэтчась чорыгъёсты Эшъёсыным пужен кутылысал. Чагыр ошмес, кырзась- верась дырды – Ваньмыз лякиськемын сюлэм борды. Котькуд нунал ук вал мусо но выль, Быдэс дунне вал кадь чагыр но льоль. Кытын меда мынам зарни дыры? Малы меда пуксиз та мылкыды? Берен берыктысал пичи дырме, Выльысь зыгыртысал на анайме.
15.03.2011