Яков Майков

Шур бызе

Метки Ольга Зорина, Тексты песен, Яков Майков

Крезьгурез Ольга Зориналэн Кылъёсыз Яков Майковлэн

Асьмелэсь но гуртъёсмес Шур гинэ люке, Кызьы чош тупаськеммы Васькыны нюке? Тон одиг палаз шурлэн, Мон мукет палаз, Ву вамен потан выжлэн Кыкнапал пумаз. Припев:

Шур бызе, бызе, бызе.

Ву шукыръяське.

Малы нош пинал сюлэм

Сокем шугъяське?

Лушкылэм учкылэмдэ Шодыли вал мон. Нош ой вал на та дырозь Тазьы пумиськон. Ойдо пот ини азьло – Пул укыр сюбег. Оло нош, кин ке возьма, Соку мын ук, берт. Припев. Выжыса дугдид возам, Синъёсам учкид. Яратон мылкыд, лэся, Сюлэмам пазьгид. Нюк сьоры шунды пуксиз Льольмаса карез. Ой, вуниз, лэся, вуниз Дор пала сюрэс. Припев
15.03.2011

Вордиськем гуртэ

Метки Ольга Зорина, Тексты песен, Яков Майков

Крезьгурез Ольга Зориналэн

Кылъёсыз Яков Майковлэн

Урамъёс валлин вожектэ гуждор, Льомпуос полын тол эркын шудэ… Син азям туннэ азьло кадь ик тон, Вунонтэм мусо вордиськем гуртэ.

Гольык пыд лёгам пичи сюресъёс,

Арганлэн гурез пель сьорам лыктэ.

Жингырес гуръёс, пинал дыр аръёс

Люконтэм тонэн, вордиськем гуртэ.

Тон сектад монэ дун ошмес вуэн, Утялтид, поттид адями радэ. Шудбуре ке вал, ваньмыз тон зечен, Кокые мынам – вордиськем гуртэ.
15.03.2011