Тексты песен

АДЗЫНЫ ГИНЭ

Метки Александр Белоногов, Геннадий Ганьков, Тексты песен

Крезьгурез Геннадий Ганьковлэн Кылъёсыз Александр Белоноговлэн

Адзыны гинэ, Адзыны гинэ, Коть шорад гинэ Учкыны, Коть бордад ке но, Киосад ке но, Чиньыен ке но Йотскыны.

Тонэн чош гинэ,

Тонэн чош гинэ,

Коть ожыт гинэ сылыны,

Ог кылын ке но,

Ваземдэ ке но,

Куарадэ ке но

Кылыны.

Мозмонме гинэ, Мозмонме гинэ, Котжожме гинэ Улляны, Нош ожыт ке но, Огдырлы ке но, Эсэплы ке но Буйганы.

Тонэн чош гинэ,

Тонэн чош гинэ,

Коть ожыт гинэ сылыны.

Адзыны гинэ,

Адзыны гинэ,

Коть шорад гинэ

Учкыны...

АДЗЫНЫ ГИНЭ
15.03.2011

Яратэ

Метки Мефодий Караваев, Тексты песен

Крезьгурез Мефодий Караваевлэн

Кылъёсыз авторэзлэн

Яратэ, яратэ, яратэ
Музъемез, шундыез, лыз инэз.
Аратэ, аратэ, аратэ
Дуннее яратон тылпуэз.

Кырӟалэ, вералэ, бӧрдылэ,
Яратон гинэ медло вӧзаз.
Люкиське, кошкелэ, бертэлэ,
Яратон медаз кысы, медаз.

Ялыке, ялыке, ялыке,
Яратон инмарез данъялом.
Ойдолэ, ойдолэ, ойдолэ
Сюлмамы сое весяк нуллом.

Яратэ, яратэ, яратэ
Кызьпуэз, лысвуэз, турынэз.
Яратонэз но тӥ яратэ,
Куке но берыктоз дурыныз.

12.11.2011

Ирина

Метки Мефодий Караваев, Тексты песен

Крезьгурез Мефодий Караваевлэн

Кылъёсыз авторэзлэн

Шуре бызьыса мон пыри но,
Азвесь пырыос лобизы ук.
Кылдӥз вуюись кадь Ирина,
Зарни карнаыэн со мынэ.
Уз лу озьы ноку юри но,
Лыктӥз, луоз, одно вулы ук.
Сылэ ярдурын ик Ирина,
Сылэ но оте кадь монэ.

Ирина, Ирина, Ирина,
Майн-о тонэ ӵошатом?
Бызись Кам шурен-а,
Ӧтись ярдурен-а,
Кам шур но, ярдур но дырто.


Тыныд бен али но серем-а,
Шорад учкыса кудӟисько мон.
Эн кельты монэ тон, Ирина,
Кул о яратон макмырен.
Тырмем ӵыпетме мон кыри но,
Кудӟид шудбурен тон ачид но.
Чечы ымдурдэ мон, Ирина,
Кызьы вунэто табере.

Ирина, Ирина, Ирина,
Маин-о тонэ ӵошатом,
Шокчем омырен-а,
Гажан мусурен-а,
Омыр но, мусур но дырто.


Кылбур гожтыны мон выри но,
Лобзиз ки улысь кырӟанэн со,
Солэн беркылыз но Ирина,
Тынад тусбуед вал отын.
Я мед гурлалоз вылӥын со,
Сое васькыто мон, Ирина,
Одно ик сюан валъёсын.

Ирина, Ирина, Ирина,
Маин-о тонэ ӵошатом?
Шуныт кылбурен-а,
Чебер крезьгурен-а?
Кылбур но, крезьгур но дырто.

12.11.2011

Нылыд, пиед вордскиз ке...

Метки Мефодий Караваев, Тексты песен

Крезьгурез Николай Карповлэн

Кылъёсыз Флор Васильевлэн

Нылыд, пиед вордскиз ке семьяяд,
Укно улад ик мертты тон льӧмпу.
Нылдэ-пидэ музэн тон нуныя, нуныя,
Сюлмаськыса тон будэты льӧмпу.

Дырыз вуиз ке, сяськазэ усьтоз,
Шырчик гурен тыныд со шулдыртоз.
Шимес тӧлэн уин вузылыкуз, вузылыкуз
Корка уз лэзьы пырыны льӧмпу.

Быдэсмизы ке нош нылпиосыд,
Оло, мукет азе лобӟылозы,
Соку анай сюлэм музэн гуртэ
Льӧмпу ялан ӧтёз нылдэ-пидэ.


Эн куректы, анай, льӧмпу юрттоз,
Пурысь йырдэ мусо маялтылоз,
Нылыд-пиед музэн кужым сётоз,
Со улондэ но выльысь шулдыртоз.

Нылыд, пиед вордскиз ке семьяяд,
Пинал льӧмпу тон мертты, дэмласько.
Будэм нылпиослэн шудзы музэн, шудзы музэн,
Гуртын льӧмпу сад мед шукыяськоз.

12.11.2011

Мусояське кырын юг май

Метки Владимир Котков, Мефодий Караваев, Тексты песен

Крезьгурез Мефодий Караваевлэн

Кылъёсыз Владимир Котковлэн

Льӧмпу сяська пурӟе, пурӟе,
Мусояське кырын юг май.
Мон тон понна озьы куазез
Ачим туннэ чебер югмай.
Сюрес дурысь куаръёс вылэ
Мон кенжытӥ уно сяська.
Тюрагаез лэзи вылэ,
Тон вуытозь медаз васька.

Припев:


Кӧня возьмай, уез ӧй кӧл,
Нош тон ӧвӧл, ӧвӧл, ӧвӧл.
Шат кожаськод, сюлмын капчи?
Мон мынӥсько дорад ачим.

Кырӟа вылэм татын но май.
Сяська, сяська oг сю иськем.
Тонэ мон ас дорам возьмай,
Нош тон татын возьмад, иське.
Монэ дорад возьмад, иське.
Мон со дыре астэ возьмай.
Огмы но, дыр, ӧм малпаське,
Нош тӧлӟысал ке чебер май.

12.11.2011