Тексты песен

Паймисько

Метки Владимир Котков, Тексты песен

Крезьгурез Владимир Котковлэн
Кылъёсыз авторэзлэн

Паймисько,
Кызьы ӝужа турын Кырӟаса бызись Туймы дурын?
Кызьы ӝужа турын?

 

Паймисько,
Кыӵе лысву чебер!
Куар вылаз кӧлтэ сое гербер.
Кыӵе лысву чебер!

Паймисько,
Малы усё куаръёс?
малтэк тодэ лыкто аръёс.
Малы усё куаръёс?

 

Паймисько,
Кӧня кизилиос!
Азьланяз но-а тазьы луоз?
Кӧня кизилиос!

 

Паймисько,
Кытысь кылдэм улон
Та чагыр инбам шобрет улын?
Кытысь кылдэм улон?

 

Нош огпол быриз ке паймонэ,
Map луоз, Музъем-анай, монэн?
Map луоз монэн?

 

Все скидки по купонам в Ялте собраны в одном месте. Успей купить и отдохни на все 100.

06.09.2011

ТУЛЫС СЯСЬКАОС ЖУЖАКУ

Метки Александр Белоногов, Геннадий Ганьков, Слушать песни, Тексты песен

Крезьгурез Геннадий Ганьковлэн
Кылъёсыз Александр Белоноговлэн

Тулыс сяськаос жужаку,

Шулдыр возь вылтй ветлыку

Трос пол вералляд мыным тон,

Кыче со луэ яратон.

 

Сое чошатьяд шундыен,

Чебер льоль пиштись сяськаен.

Шуид, со кенже сюлэме,

Тылпу кадь ялан пуроме.

 

Озьы но, тазьы но шуид,

Ялан выль кылъёс бырйылйд.

Нош кыче аслад гажамед —

Али но уг лу валаме.

 

 

Не знаете где купить купить бас-гитары? Я знаю отличный сайт showmarket.com.ua где за небольшие деньги можно приобрести стоящую вещь.

06.09.2011

Нырысь яратон

Метки Геннадий Корепанов-Камский, Тексты песен

Крезьгурез Геннадий Корепанов-Камскийлэн

Кылъёсыз авторэзлэн

Лабрес ваё льӧмпу
Сылэ укно улам.
Шораз мон мӧзмыкум
Учкылӥсько ялан.

Припев:

Лымы кадь сяськаез
Ческыт зынзэ вӧлдэ,
Сюлмысь яратэмме
Льӧмпу сяська шӧдэ.


Сяська, льӧмпу сяська
Нырысь яратонэ
Улэ сюлэм пушкам,
Возьма, утча тонэ.

Припев:

Пинал сяська дырме
Нокин уз берыкты.
ӟырдыт яратэмме
Кин ке уз вунэты.


Лабрес ваё льӧмпу
Учке со мон шорам.
Нырысь яратонме
Со вайытэ тодам.

Припев:

Лымы кадь сяськаез
Ческыт зынзэ вӧлдэ.
Чылкыт яратонэз
Льӧмпу сяська шӧдэ.
Пинал сяська дырме
Нокин уз берыкты.
Нырысь яратэмме
Кин ке уз вунэты.

18.06.2011

Туганэ, туганэ

Метки Геннадий Корепанов-Камский, Тексты песен

Крезьгурез Геннадий Корепанов-Камскийлэн

Кылъёсыз авторэзлэн

Учкы, учкы мон шорам,
Сюлмысь курисько тонэ.
Учкы мынам синъёсам,
Учкы, мусо туганэ.
Туганэ, туганэ,
Мусо туганэ!
Мон яратйсько тонэ,
Мусо туганэ.

Ураметй ортчыкуд
Шокчыса учко пиос.
Эктыкуд но кырзакуд
Дэмен лулскыло соос.
Туганэ, туганэ,
Мусо туганэ!
Нокинлы уг сёт тонэ,
Мусо туганэ.


Ойдо берыкты йырдэ
Мон пала возьдаськытэк.
Усьты мыным сюлэмдэ,
Ваньзэ вера ватытэк.
Туганэ, туганэ,
Мусо туганэ!
Синъёсыд отё монэ
Пырак сюанэ.


Вера мыным пал кылдэ,
Туж кема мон витисько.
Витисько одйг кылдэ —
Со кылэз тон тодйськод.
Туганэ, туганэ,
Мусо туганэ!
Нокинлы уг сёт тонэ,
Мусо туганэ.

18.06.2011

Гуртэ, мынам гуртэ

Метки Геннадий Корепанов-Камский, Тексты песен

Крезьгурез Геннадий Корепанов-Камскийлэн

Кылъёсыз авторэзлэн

Гуртэ, мынам гуртэ,
Бадӟым ик со овол.
Яге, вордскем гуртэ,
Котыр берга сильтӧл.
Али но та гуртын
Улэ пинал дыры.
Али но со отын
Ветлэ гольык пыдын.

Татын мон вордӥськи
Шуныт корка пушкын.
Бӧрдӥ но вераськи
Анай-атай кылын.
Татын ик яратӥ
Гуртысь ӟеч калыкме.
Татын ик яратӥ
Вож сад кадь шаерме.

Ноку уг вунэты
Льӧмдэ но палэзьдэ,
Ноку уг вунэты
Няньдэ, ошмес вудэ.
Ноку уг вунэты
Чылкыт Ыты шурдэ.
Ноку уг вунэты
Ужын тыршись калыктэ.

Толэзь уй инметӥ
Кузё сямен ветлэ,
Лобе гуртэ вылтӥ,
Утча кадь со монэ.
Эн утча, толэзе,
Пичи бырем гуртысь,
Уд шедьты, пиштӥсе,
Ноку монэ отысь.

Гуртэ, мынам гуртэ,
Бадӟым ик со овол.
Яге, вордскем гуртэ,
Котыр берга сильтӧл.
Али но та гуртын
Улэ пинал дыры.
Али но со отын
Ветлэ гольык пыдын.

Если вас интересует проверка строительных смет то вам на сайт expertdoma.ru. Работают профессионалы.
18.06.2011