Тексты песен

Тон шедьтод-а?

Метки Николай Горячев, Слушать песни, Тексты песен

Кылъёсыз Николай Горячев

Крезьгурез авторэзлэн

 

Возь вылысь ӵуж сяськалы
Мон ӧй оскылы ноку.
Синмаськи чебер ныллы,
Со юаз келяськыкум:

— Тон шедьтод-а, тон ваёд-а,
Егит пи, мыным туннэ
Туймы дурысь арамаысь
Усьтӥськись италмасэз?
— Ӵуж сяська—люкиськонлы, -
Гажанме мон алӥсько.
Шыпытак шуиз:
— Ваёд, монэ ке яратӥськод!

Map карод, кузьмай сяська,
Сюлэмме вӧзаз ватсай.
Сюанмы ортчем бере но
Кузпалы иса на ай:

— Тон шедьтод-а, тон ваёд-а,
Егит пи, мыным туннэ,
Туймы дурысь арамаысь
Усьтӥськись италмасэз?
Мынӥсько возьёс вылтӥ
Тулыс сяська бичаны.
Малы ке сюлэм висе:
Италмас — люкиськонлы.

Нош огпол пичи нылы
"Вешало" шуэмелы
Ас понназ серекъяса
Вазьылӥз исаськыса:

— Тон шедьтод-а, тон ваёд-а
Вешамед понна, атай,
Туймы дурысь арамаысь
Шунды кадь ӵуж италмас?
Мон уг кышка ни, эшъёс,
Возь вылысь италмаслэсь.
Герӟазы уго соос
Яратӥсь сюлэмъёсмес.

Тӥ эн курлалэ, эшъёс,
Возь вылысь сяськаосты.
Юрттозы котьку соос
Яратӥсь сюлэмъёслы.

 

Вы уже устали от поисков клевых игр для samsung galaxy mini? Здесь можно скачать игры для samsung galaxy mini>бесплатно и играть сколько хочешь.

 

 

Кырӟа Михаил Ворончихин

17.04.2011

Кырӟан вордске сюлэмын

Метки Леонид Душников, Тексты песен

Кылъёсыз Леонид Душниковлэн

Крезьгурез авторэзлэн

 

Бусыын намер уг буды, Намер будэ куак пӧлын. Кыл йылын кырӟан уг кылды, Кырӟан кылдэ сюлэмын. Ваньмызлы синзэ усьтэ со — Синмолы но синтэмлы. Вай, эше, монэн ӵош кырӟа Дан сӥзьыса кырӟанлы. Мӧзмонэн, куректонэн но Герӟаське солэн гурез. Ӵем дыръя шунды сямен со Югдытэ пеймыт уез. Вай, эше, ӵошен пуксём но Вай кырӟаломы ӟечгес. Ваче син огпол учком но Куштомы урод сяммес.

 

17.04.2011

Луомы ӵошен

Метки Леонид Душников, Тексты песен

Кылъёсыз Леонид Душниковлэн

Крезьгурез авторэзлэн

Яратӥмы огмес огмы шӧдтэк шорысь — Вал тулыс уй, инмын пишто кизилиос, Тон вал шудо, нош мон эшшо но шудогес, Кудмы меда ӝожомытӥм яратонмес? Припев: Яратонэ, тон тод, та дуннеысь Нокин уз ляк тэшкам яратонмес, Ӵошен гинэ, ӵошен гинэ, ӵошен гинэ Чагыр инмысь шедьтом асьме кизилимес. Бен тодӥсько ук, гажанэ, куректӥськод, Ӵошен дырмес ке малпаськод, лулӟылӥськод. Ачим но бӧрдӥсько, мар ватонэз. Весь малпасько тулыс уез, чагыр инмез. Припев. Тон бур пала кошкид туннэ асьме уйысь, Нош мон кошки, луоз, одно ик паллянэ. Но оскисько, вуоз вылез тулыс, Чылкыт яратонмес кароз со огинэ. Припев.
17.04.2011

Гажаса малпан

Метки Алексей Ельцов, Леонид Душников, Тексты песен

Кылъёсыз Алексей Ельцовлэн

Крезьгурез Леонид Душниковлэн

 

Малы бен сюлэмы весь возьма на? —

Уг вуны, лэся, вож тулыс.

Чупчи но, тылысмы но, возьмы но

Мӧзмо, возьмало, дыр, выльысь.

Мӧзмыт бен мылкыды весь бӧрдэ на? —

Согиз кусыпмес выль лымы.

Уг вунэт со, пӧсьтэ но тодэ на,

Тодэ нырысьсэ чупамме.

Малы бен нош йыры поромиз на? —

Малпан сильтӧлэн кадь поръя.

Выльысь-а мур гажан пуромиз на,

Гажан пуроме ке — паръя!

 

Here cool apparel at low prices. Managed to buy!

17.04.2011

Лымы вальс

Метки Алексей Ельцов, Светлана Яковлева, Тексты песен

Кылъёсыз Алексей Ельцовлэн

Крезьгурез Светлана Яковлевалэн

 

Поромисько-
Куке усе лымы.
Тӧдьы вальсын кадь
Нош поръяськомы.
Усе, усе, усе
Тӧдьы лымы.

Мон тодӥсько,
Кызьы шуналымы.
Жиптӥськисько:
Ӵошен кадь сюлэммы.
Усе, усе, усе
Небыт мамык.

Мон адӟисько,
Кызьы поръя лымы.
Возьмаськисько:
Ку нош бергаломы?
Монэ coгe, coгe
Тӧдьы лымы.

Мон учкисько,
Кызьы садмы пурӟе.
Ӟыгырскиськом:
Гажан золгес гомӟе.
Поръя мамык, поръя
Быдэс кунмы.

Мон адӟисько,
Кызьы тол вальс берга.
Утчаськисько –
Аслам улон сэргам.
Бамме жуге, жуге
Лэчыт лымы...

 

Вам для вашего бизнеса нужна гофротара? Могу подсказать вам отличный завод гофротары по низким ценам.

17.04.2011