Тексты песен

Малы-о?

Метки Виталий Шоркин, Галина Романова, Тексты песен

Крезьгурез Виталий Шоркинлэн Калык кылъёсты тупатьяз Галина Романова

Нюлэскын но, ой, но узыед Малы-о туж ческыт? Турын полысь, ой, но бичано, Соин со туж ческыт. Сорлось кутэм, ой, но туганэд Малы-о туж мусо? Кузь сюресэз, ой, но лёгано, Соин со туж мусо. Нюлэскын но, ой, но эмезед Малы-о туж ческыт? Силё полтй, ой, но бичано, Соин со туж ческыт. Кема утчам, ой, но туганэд Малы-о туж дуно? Сюрсэз полысь, ой, но быръемын, Соин со туж дуно.
17.04.2011

Ой, ву берга

Метки Виталий Шоркин, Галина Романова, Тексты песен

Крезыурез Виталий Шоркинлэн Калык кылъёсты тупатъяз Галина Романова

Ой, ву берга, ву берга но, Солэн шукыез берга. Со шукы кадь ик берга Мынам пинал сюлэмы. Сьодчабейлэн, ой, сяськаез Сьод уг лу, тодьы луэ. Мынам пинал, ой, дауре Кык уг лу, одиг луэ. Луд зазегьёс, ой, лобо но Жож куараен кесясько. Тулыс палозьлы кельто Вордскем мусо шаерзэс.

 

This website provides detailed information on best trading platform

17.04.2011

Кык гожтэт

Метки Ашальчи Оки, Геннадий Корепанов-Камский, Тексты песен

Кылъёсыз Ашальчи Окилэн Крезьгурез Геннадий Корепанов-Камскийлэн

Одигзэ мон гожти Туж капчи мылкыдын, Мукетсэ гожтэтме Мон гожтй синкылиен. Огезлэн пумитаз Мон басьто, дыр, гожтэт. Кыкети гожтэтам Уз, уз лыкты ответ! Одигзэ гожтэтме Мон гожти эшелы. Кыкети гожтэтме — Мон уг вера кинлы... Одигзэ гожтэтме Одиг час мон гожти, Кыкети гожтэтме Уез-уйбыт гожти. Одигзэ мон гожти — Тодьыё кагазэ, Нош чагыр кагазэ — Мон гожти мукетсэ. Одигаз гожтэтам Мон ой поны сяська. Кыкети гожтэтам Мон понй лыз сяська.
17.04.2011

ЛУЛЫ МЫНАМ

Метки Ашальчи Оки, Николай Постников, Тексты песен

Крезьгурез Николай Постниковлэн

Кылъёсыз Ашальчи Окилэн

Лулы мынам Возь выл бубли ке но – Марлы меда Бурдыз сосырмылэм? Сюлмы мынам Чебер кырезь ке но — Марлы меда Сиез тияськылэм? Мылкыд мынам Зарни манет ке но — Марлы меда Жильы борды со дурылэм?
15.03.2011

МОН ТОДАМ ВАИСЬКО

Метки Ашальчи Оки, Герман Корепанов, Тексты песен

Крезьгурез Герман Корепановлэн Кылъёсыз Ашальчи Окилэн

Нюлэскы но ветлыкум,

Сьод сутэр бичакум

Сьод сутэр синъёстэ

Мон тодам ваисько.

Возь вылын но турнакум,

Льоль сяська адзыкум

Льоль сяська бамъёстэ

Мон тодам ваисько.

Бусыын но гырыкум,

Тюрагай кылыкум

Тюрагай куарадэ

Мон тодам ваисько.

Гурезь улти ветлыкум,

Согъяськисез адзыкум

Чуж мертчан йырсидэ

Мон тодам ваисько.

By дурти но ветлыкум,

By ваисез адзыкум

Веськырес мугордэ

Мон тодам ваисько.

15.03.2011