Крезьгурез Николай Шкляевлэн Кылъёсыз Александр Вотяковлэн

Вордскем гуртэ корка тырад дэмен
Ми тон доры ялан бертылиськом,
Дуно дяди, пичи дыръя сямен
Ваньмес шуныт кылын пумитаськод.

Аръёс лобо тылобурдо сямен,
Дунне вылын улон макем шудо!
Ми но дядяй ини кемаласен,
Сяська кадесь нылпиосмы будо.

Озьы ке но, тонэ утчаськомы,
Ялан малпаськомы ми тон сярысь,
Вормид уно секыт адзонъёсыз,
Баблес кадь йырсиед ини пурысь.

Дяди, чырткем сямдэ, сайкыт визьдэ,
Пось сюлэмдэ сётид тон милемлы,
Соин чебер но вакчигес шудэд
Музъем вылэ кылёз туж кемалы.

Возьдаськоно уз лу , дуно дяди,
Вордэм нылпиосьш понна тыныд.
Чагыр инбам, яркыт шунды кадь ик
Сюлэмамы улэ визьмо тусыд.